MERI MAA

                                                                  MERI MAA

Khuda hum par zaroor

meherban hua hoga

Tabhi to usne aap ko

Humare paas bheja hoga

Aap jaisi beti, aap jaisi biwi,

aap jaisi maa, ek saath

Is duniya mein

Doosri koi nahin

Aapki ek muskurahat

Poore ghar ko roshan karti hai

Aapki har masti

Hum sabko hasati hai.

Aapke pyar ne

Aapki duaaon ne

Hum sabki zindagi ko

Khushiyon se bhar diya hai

Har mushkil ko aapne

Pal bhar mein aasan kiya hai

Har dard ko aapne

Chutki mein mitaya hai

Mujhe ek saheli ki zaroorath

Kabhi nahin padi

Kyonki meri sabse achchi saheli

Mujhe aap mein mili

Khuda kare ki aap jiyen

Hazaaron saal

Poore sehath

Aur taakath ke saath

Dard aapko chu bhi na paaye

Har takleef yun gum ho jaaye

Khushi aur muskurahat se

Aapka chehra sada jhalke

Poori ho aapke dil ki

Har tamanna, har armaan

Aur har din laaye aapki zindagi mein

Khushi aur aaraam.

 

                                                                                     AMINA KHALEEL